“Biznesmenët paguajnë trefish taksë për…”

Ish-kryeministri Sali Berisha akuzoi kreun e qeverisë, Edi Ramën se ia ka lënë baxhanakut të tij, serverin e aplikacionit “Aktiv1st”.

Gjatë një takimi me demokratët e degëve të Tiranës, Berisha tha se këtë e shndërroi në një krim brenda familjes.

Duke u ndalur tek afera e inceneratorëve, Berisha tha se tashmë çdo biznesmen paguan trefishin e taksës së pastrimit se sa më parë.

Berisha: Ilaçi i zgjedhjeve, shpëtimi i tyre është rrëzimi i Edi Ramës. Po ra Rama, bie gjithë kalbësira që ka pushtuar dhe helmon këtë vend. Ndaj dhe ne vazhdojmë atë betejë. Por ajo betejë duhet të zhvillohet në çdo nivel. E them dhe njëherë. Kur shoh Erion Veliajn që na vjedh ditën për drekë nga 18 euro në kundërshtim flagrant me kontratën për inceneratorin. Çdo biznesmen paguan trefishin e taksës së pastrimit se sa paguante më parë.

Këto shkojnë në kontot Rama-Veliaj. Ne i lamë të shëtisnin në këtë mënyrë. S’duhet t’i lëmë. Duhet t’i gjuajmë kudo me domate, me speca me vezë dhe duhet ta sitërisim. Ai është një turp. Mora këtë shembull. E morët vesh ju që baxhanaku i tij ka serverat e aplikacionit “Aktiv1st”. E ka shndërruar në krim familje. Është një Famu që fiton të gjitha tenderat. Serveri i aplikacionit të administratës është në ruajtje të kompanisë së tij. Pra ne duhet të përmbysim këtë rrjet kriminal mafioz dhe të votojmë të lirë. Qëllimi ynë është ky.