Berisha tregon letrën që firmosi në SPAK: Kjo dështoi në SHBA, këtë fat do ketë edhe këtu

Pasi ka dalë nga ambientet e SPAK ku ka firmosur në kuadër të masës së sigurisë “detyrim paraqitje”, kryedemokrati Sali Berisha ka zbuluar se i ka lënë një shënim kreut të Prokurorisë së Posaçme, Altin Dumanit.

Në një deklaratë për mediat, kreu i demokratëve, Berisha e quan Altin Dumanin “kreun e organizatës kriminale që zbaton politikën e Shqipërisë pa opozitë.

‘Pasi u paraqita, i lashë Altin Lalës, letrën që vijon: Kreut të kësaj organizate kriminale, Altin Dumani që zbaton politikën e Shqipërisë pa opozitë të monstrës George Soros dhe kukullës së tij në Tiranë, Edi Rama. Kjo politikë dështoi në SHBA dhe të njëjtin fat do të ketë në Shqipëri. Firmosur Sali Berisha. Kjo është kopja.’, tha Berisha për mediat.