Berisha tregon se kur do të votonte Edi Ramën

Ish kryeministri Sali Berisha,  në emisionin 360grade, të Artur Zhejit në Oranews duke komentuar largimin e ish-kreut të SHISH,  Visho Ajazit tha se, “ai i shërbeu vendit me përkushtim, në një shtet që po kanabizohej, ai qëndroi së bashku me Shërbimin.

Por, bëri një gabim jo të pranueshëm në momentin që u largua. U largua në momentin kur Edi Ramës po i tundeshin këmbët”, tha Berisha.

Duke folur për mandatet e zyrtarëve të zgjedhur, Berisha tha se, jam për zyrtarë që të kenë  mandate të përcaktuara. “Nëse Rama e sillte mandatin e kaluar,  ligjin për mandatet e zyrtarëve, Sali Berisha do ta votonte”, u shpreh Berisha.