Bes Kallaku konfirmon ndarjen nga Xhensila

Aktori, tashmë dhe “kryeplaku” në “Ferma Vip”, Bes Kallaku ka konfirmuar ndarjen nga këngëtarja Xhensila Myrtezaj.

Gjatë një bisede me fermerët pas “prime”, ai rrëfeu se vajzën e takon shpesh, ndërsa djalin më rrallë, pasi fëmijët jetojnë më ish-bashkëshorten.

“Gocën e takoj më shpesh, djalin e shoh pak më rrallë sepse jetojnë me ish-bashkëshorten. Por mërzitem ndonjëherë se njeriut i ndodhin disa situata në jetë që nuk i ka pritur. Është pak e vështirë. E rëndësishme është që të jenë më mirë, të jemi falënderues se ndodh që nuk vlerësojmë ditët e mira”, u shpreh ai.

Ndër të tjera Besi tha se marrëdhënia me Xhensilën prej disa kohësh nuk shkonte mirë dhe se ishin bërë si të “huaj”.

“Jam në shtëpi me nusen e jemi të huaj. E rëndësishme është t’i kesh mirë më shëndet. Këtë vlerësoj. O Zot faleminderit!”, tha ai ndër të tjera.

Kujtojmë që prej kohësh në media është bërë me dije divorci mes aktorit dhe këngëtarit dhe pse çifti nuk e kishte konfirmuar ndarjen.