Bie sistemi TIMS, kaos në pikat kufitare, sportelet rikthejnë regjistrat

Nuk ndalen problemet në pikat kufitare, teksa orët e vona të kësaj mbrëmjeje ka rënë sistemi TIMS në Portin e Durrësit dhe ne piken kufitare te Kakavijës në Gjiroakstër dhe në atë të Kapshticës dhe Qafë Thanës. 

Me dhjetëra qytetarë, mes tyre të moshuar dhe fëmijë të cilët ishin në pritje për tu nisur drejt Italisë përmes Portit të Durrësit janë njoftuar  për rënien e sistemit TIMS dhe puna e punonjëse të pikës kufitare do të vijojë me regjistra, ç’ka pritet të shkaktojë kaos dhe radhë të gjata në ndër pikat kufitare më të rëndësishme në vend.

Shumica prej pasagjerëve janë nxjerrë jashtë traut të portit, duke shkaktuar kaos në menaxhimin e situatës, teksa nisja e trageteve pritet të vonojë më orë të tëra.

E njëjta situatë kaosi është edhe në pikën kufitare të Kakavijës në Gjirokastër dhë në ato të Kapshticës dhe Qafë Thanës në Korçë ku punonjësit doganore po punojnë manualisht nëpër sportele.

Nuk dihen nëse rënia e sistemit lidhet me sulmet kibernetike të hacker-ave iranianë, të cilët pak ditë më parë sulmuan sistemet në të gjitha pikat kufitare të vendit duke shkaktuar kaos në to.

Pasagjerët në Portin e Durrësit kanë sjellë video dhe foto në redaksinë e Syri Tv që pasqyrojnë kaosin në Portin e Durrësit.