Bilanc i rëndë nga covid-19 në Britani, sërish afro 1000 të vdekur në 24 orë

Prej ditësh në vendin ishullor janë regjistruar afro 1 mijë viktima në 24 orë. Shifrat e fundit flasin për 917 jetë të humbura, duke e çuar numrin total të vdekjeve në 9875.

U regjistruan 5233 raste të reja me covid-19, me një numër total të infektuarish prej 78.991 persona. Janë shëruar gjithsej 344 vetë, ndërkohë që 1559 ndodhen në gjendje kritike.

Kujtojmë që në Britani është prekur edhe kryeministri Boris Johnson, i cili pas tre ditësh në terapi intensive, është përmirësuar ndjeshëm.