Politika e Akrobacive: Kur “Gjeli i Rrjepur” Kthehet në “Shpëtimtar të Kombit”

Kushdo që ka ndjekur sado pak teatrin politik shqiptar përgjatë viteve, është mësuar me kthesa të forta, por rasti i fundit i deputetit Edmond Spaho kapërcen çdo imagjinatë të qëndrueshmërisë logjike. Distanca mes dy deklaratave të tij tregon më së miri se si parimet në politikë shpesh shkrihen më shpejt se akullorja në diell.

Nga “Krimi i Organizuar” tek “Dëmi i Madh”

Për të kuptuar paradoksin, mjafton të vendosësh përballë dy tituj që mbajnë të njëjtin emër si autor:

 Tetor 2018: Edmond Spaho sulmonte ashpër kryeministrin duke e cilësuar publikisht si “gjel i rrjepur nga krimi i organizuar”. Një gjuhë e ashpër opozitare, ku Rama portretizohej si burimi i të gjitha të këqijave të vendit.

 Së fundmi: Po i njëjti Spaho, përmes një opinioni, i drejtohet të njëjtit kryeministër me shqetësimin e madh se: “Edi Rama, nëse tërhiqesh, do t’i bësh vendit dëmin më të madh”.

Konsistenca? E paqenë. Ironia? E thkshme. Si mundet që njeriu i akuzuar si i lidhur me krimin e organizuar, të kthehet papritur në shtyllën që mban vendin në këmbë, saqë largimi apo tërheqja e tij na konsideruaka si “dëmi më i madh”?

Kur Karriera dhe Pleqëria Turpërojnë Burrin

Siç thotë me të drejtë populli, titujt, postet dhe karriera e gjatë akademike apo politike nuk vlejnë asgjë nëse nuk shoqërohen me dinjitet dhe koherencë. Kur kalon një jetë në politikë dhe përfundon duke bërë të tilla akrobaci deklarative, nuk mbetet gjë tjetër veçse të ndjesh keqardhje.

“Nuk qenkan gjë as titujt as karriera! Turpërohen burrat edhe në pleqëri! Gjynah!”

Kjo lloj politike pa shtyllë kurrizore, ku armiku i betuar i djeshmëm kthehet në “të keqen e domosdoshme” të së sotmes, vetëm sa e thellon zhgënjimin e qytetarëve. Kur vetë opozitarët i bëjnë thirrje kryeministrit të mos tërhiqet, kupton se teatri ka rënë dhe aktorët kanë harruar thjesht rolin që duhet të luajnë.