Biznesmeni i plagosur në Sarandë futet në operacion

Është përkeqësuar gjendja shëndetësore e biznesmenit Spiro Iljadhi, i cili u qëllua mbrëmjen e djeshme me breshëri kallashnikovi, nga persona ende të paidentifikuar. Ngjarja ndodhi në orët e para të mëngjesit, ku pronari i një clubi të njohur në Sarandë, u qëllua me disa plumba, të cilët e kanë kapur në bark.

Iljadhi është futur në operacion dhe ka dëmtime në zorrë. Kujtojmë se bashkë me biznesmenin, i plagosur mbeti edhe një turist. Ai ka marrë një plumb në fundshpinë dhe është jashtë rrezikut për jetën. Ndërkohë policia është vënë në kërkim të autorëve.