Brataj tregon se kur mbyllen shkollat: Spitalet rajonalë hapen vetëm nëse ezaurohet Covid 4

Shefi i Urgjencës Kombëtare, Skënder Brataj është shprehur se spitalet rajonale do të hapen vetëm nëse ezaurohen kapacitetet e spitalit COVID 4.

Në një intervistë për Report Tv, Brataj tha se masat do të merren në varësi të situatës.

“Vetëm në 24 orët e fundit kemi pasur 129 thirrje. Numri i të infektuarve është mbi 32 mijë ndërsa i atyre aktivë është afërsisht 18 mijë. Kohët e fundit u hap reparti i tretë i COVID 3 ndërsa mbrëmë u hap dhe COVID 4. Ka një kapacitet prej 100 shtretër që në ditët në vijim do të shtohen dhe 50 të tjerë. Do të aktivizohen spitalet rajonalë përpara se të ezaurohet COVID 4. Kemi plotësuar kapacitetet spitalore. Shumë herë keqinterpretohen thëniet tona. Ne nuk do shkojmë në hotele dhe stadiume. Pacientit do t’i shërbehet kudo në varësi të situatës. Kemi dhe një moment që do të bllokohet infeksioni me alternimin e mësimit si dhe me pjesën e pushimeve dimërore. Nëse do ezaurohen kapacitetet. Çfarëdolloj skenari të vijë, ne do i trajtojmë si të kemi mundësi. Askujt nuk do t’i mungojë trajtimi”, – tha Brataj.

Përsa i përket mbylljes së shkollave, ai tha se ato mund të mbyllen vetëm nëse vendi shkon në izolim të plotë.

“Është thënë disa herë që masat fillojnë nga ato më të lehta deri tek më të ashpra. A funksionojnë këto masa? Ashpërsimi i tyre do të ishte më efektiv për ndalimin e virusit. Por nëse do të mbyllim shkollat, atëherë fëmijët do të dalin jashtë nëpër lulishte. Nëse do të kemi një izolim total do frenohej përhapja e virusit. Ndaj nuk e mbyll mundësinë e infeksionit. Mendoj se me ardhjen e festave të fundvitit, njëfarë mase do kontrollojë infeksionin” – tha Brataj.

Më shumë nga Publik News

Zëri yt bëhet lajm.