Bulqizë/ Humbet jetën minatori nga shpërthimi i një mine
Minierat e Bulqizës vijojnë të marrin jetë njerëzish, teksa pasditen e sotme fatkeq ka qenë 37-vjeçari me inicialet A.Sh.
Minatori nga qyteti i Bulqizës ka gjetur vdekjen në zonën 41 të minierave të këtij qyteti, pas shpërthimit të minave që kishte montuar vetë.
Policia u njoftua rreth orës 17:40 dhe mbërriti menjëherë në vendngjarje, ku po punon për zbardhjen e shkaqeve të incidentit fatal në këtë galeri.
Paraprakisht raportohet se viktima ka qenë me detyrë minator dhe pasi ka mbushur vrimat me lëndë plasëse, ka ndodhur edhe një shpërthim i parakohshëm, duke i marrë jetën 37-vjeçarit.
Keni një histori? Denonco anonimisht, identiteti juaj mbrohet.
Denonco
