Burri plagosi me thikë përmbaruesin, flet gruaja e agresorit: Na zgjuan duke i rënë derës me shkelma!
Përmbaruesi Baftjar Nela, është plagosur me thikë ditën e sotme në Sarandë, nga Aleksandër Camandioti, pasi kishte shkuar në shtëpinë e tij për të dorëzuar një njoftim për masë sigurie të 2 apartamenteve.
Lidhur me këtë ngjarje ka folur gruaja e agresorit për report tv, e cila ka thënë se përmbaruesit kanë kërkuar që të firmosnin për të dalë nga shtëpia dhe se do t’u merrnin 2 hyrje në pallat.
“Na zgjuan duke i rënë derës me shkelma. Nuk e pashë momentin e plagosjes. Kërkuan që të firmosim për të dalë nga shtëpia.
Situata pas një vendimi skandaloz të gjykatës. I kemi dhënë ndërtuesit 72 mijë euro.
Do merrnin dy hyrje në pallat. Jetojmë prej 11 vitesh në këto apartamente”, ka thënë gruaja e tij.
Keni një histori? Denonco anonimisht, identiteti juaj mbrohet.
Denonco
