Çako e pranon: Jo të pakta rastet e implikimit të policëve në trafikun e kanabisit

Task Forca
Drejtori i Policisë Haki Çako pranoi sot se nuk kanë qenë të pakta rastet e implikimit të policisë në trafikun e kanabisit.

Ndërsa ka publikuar në faqen e tij në Facebook, mbledhjen e Task Force për raportim në Zyrën Operacionale të Situatës, ai shkruan se “Jemi zotuar që këtë vit do të shkruhet fjala FUND në historinë e gjatë të kultivimit të kanabisit në shkallë të gjerë dhe ky zotim do të mbahet me se s’bën. Për Shqipërinë që duam”.

Në raportim Drejtori i Përgjithshëm i Policisë së Shtetit, Haki Çako, deklaroi se çdo polic ka marrë përgjegjësitë e veta për monitorimin e territorit.

Ai shprehu bindjen se ky vit do të ketë numrin më të ulët të bimëve narkotike, gjatë gjithë historisë së tranzicionit. Duke dhënë shifrat e sekuestruara të kanabisit, ai deklaroi se këtë vit kultivimi i kanabisit ka qenë më i ulët se kurrë më parë.