Caktohet seanca gjyqësore në Apel për Vangjush Dakon!

Është caktuar seanca gjyqësore ndaj Vangjush Dakos në Apelin e GJKKO-së.

Mësohet se ish-kryebashkiaku i Durrësit do të dalë para togave të zeza më 18 korrik  ora 10:00.

Vangjush Dako u arrestua në 6 qershor me urdhër të SPAK për shpërdorim detyre.

Gjatë dëshmisë së tij para gjykatës ish-kryebashkiaku i Durrësit ka dhënë sqarime, në lidhje me tenderin për blerjen e projektit për zhvillimin e vijës bregdetare, nga zona e Brrylit deri në Currila, me pretendimin se nuk ka pasur dijeni dhe se gjithçka ka qenë në dorën e specialistëve.

Pavarësisht shpjegimeve të tij, GJKKO caktoi masën e arrestit me burg për ish kryebashkiakun që drejtoi Durrësin gjatë viteve 2007-2019.

AKUZAT

Vangjush Dako dhe ish bashkëpunëtorët e tij në Bashkinë e Durrësit akuzohen për shpërdorim detyre dhe falsifikim dokumentesh në dy raste. Bëhet fjalë për një ndërtim-pallat që u nis 7 kate në 2010-n dhe përfundoi 11 kate në 2014-n, ndërtesë që dëmtua nga tërmeti në 2019- n. Për këtë u arrestua dhe ndërtuesi i pallatit, Fiqiri Farruku, i cili si Dako është në arrest me burg. Për këtë rast akuzohen Vangjush Dako, Drejtori i Drejtorisë së Kontrollit dhe Planifikimit të Territorit Adhurim Qehajaj. Arkitekti Ermal Lama, projektuesja Meri Semini topografët Fatmir Ejupi dhe Adrian Bulku.

Rasti i dytë ka të bëjë me një tender të datës 25 mars 2014 për shërbim konsulence, sigurimin e një projekti të quajtur “Projektim zbatim për Promenadën Bregdetare dhe Plazhin publik nga Bërryli deri në Currila”. Për këtë akuzohen Vangjush Dako dhe grupi punës i përbërë nga, Adhurim Qehajaj, Diana Dedja, Adnan Toçila, anëtarë të cilët kanë patur si detyrë, përcaktimin e termave të referencës dhe fondin limit. Fillimisht fondi limit i tenderit në fjalë ishte 21 milionë lekë, por për shkak se sipërfaqja e projektit, u ndryshua nga 2.04 hektarë në 20.4 hektarë, vlera arriti në 210 mln lekë.

Edhe pse KLSH kërkoi në 2015 që të merreshin masa për rikuperimin dëmit, kjo jo vetëm nuk u bë por kompania shleu 40 % e vlerës së mbetur duke i shkaktuar dëm shtetit 18 milionë lekë. Pikërisht “gabimi” me një presje dhjetore u bë shkak për 10-fishimin e vlerës së tenderit të shëtitores së plazhit në Durrës. Tenderi i datës 25 mars 2014 u denoncua edhe nga Ferdinand Xhaferraj, kryetar i Partisë Demokratike në Durrës, denoncim që u krye vetëm 3 vjet më parë!