Carrasco ‘trembet’ nga Coronavirusi në Kinë, rikthehet sërish në Europë

Në pamundësi për të marrë shërbimet e Edinson Cavanit që në këtë merkato të dimrit, drejtuesit e Los Colchoneros kanë bërë të mundur rikthimin në kryeqytetin spanjoll të sulmuesit të krahut Ferreira Carrasco, i cili vjen nga kinezët e Dalian Yifang në formë huazimi deri në fund të këtij sezoni.

Mesa duket përhapja me shpejtësi e virusit vdekjeprurës “Coronavirus” ka trembur shumë nga futbollistët e mëdhenj që luajnë në Kinë të cilët kanë nisur të largohet nga Lindja e Largët.