Çfarë ndodhi sot në Kuvend, tensione dhe përplasje !
Garda e Republikës nuk ka lënë mediat të filmojnë hyrjet në parlament. Ky është një rast i paprecedentë në historinë e pluralizmit shqiptar.
“Nuk po lejohemi nga garda e republikës të futemi në parlament për të ndjekur seancën plenare.”
Opozita po protestoi para Parlamentit, teksa deputetët e përjashtuar tentuan të hyjnë me forcë në sallë, duke u penguar nga garda, që kishte vendosur edhe gardh metalik para godinës.
Teksa deputetë të opozitës të papërjashtuar hynë me vështirësi në sallë, jashtë të përjashtuarit kanë vijuar konfrontimin me Gardën, duke u përplasur.
Gjithashtu ata varën te gardhi metalik edhe banderolën me shënimin “Edi Rama: Mafia!”.
Ka qenë deputeti Dashnor Sula që tentoi disa herë të kalonte gardhin me forcë, por pa sukses. Disa prej tyre kaluan nga pjesa e pasme e Parlamentit, por sërish u penguan
“Mos mbroni hajdutët dhe kriminelët. T’u vijë zor”, dëgjohet të thuhet nga deputetët e PD. Deputetët e papërjashtuar kanë pasur probleme për të hyrë, por ata që kanë qenë brenda kanë mbledhur karriget në foltore. Kryetarja e Kuvendit Elisa Spiropali nisi punimet e seancës mes protestës së deputetëve opozitarë jashtë Kuvendit dhe kaosit brenda Parlamentit.
Keni një histori? Denonco anonimisht, identiteti juaj mbrohet.
Denonco
