Çfarë u vendos për kryebashkiakun e Vorës, Kajmakun

Mësohet se gjykata e ka pushuar kërkesen e bërë prej tij, pasi nuk janë paraqitur avokatet mbrojtës.

Me këtë vendim mbetet në fuqi masa e mëparshme e sigurisë, ajo e arrestit në burg.

Kajmaku do të paraqitet në Gjykatën Penale të Tiranës me tre akuza: ‘falsifikim formulari’, ‘falsifikim dokumentesh e kryer në bashkëpunim’ dhe ‘tejkalim i ushtrimit të kompetencave përtej mandatit’.

Kajmaku vijon të jetë në kërkim nga Policia e Shtetit, ndërsa u akuzua nga Partia Demokratike se ishte arrestuar në Greqi, nën emrin Jorgo Toto, për veprën penale të falsifikimit të parave, por që nuk e kishte paraqitur në formularin e Dekriminalizimit, ndërsa akuzat u konfirmuan edhe nga Prokuroria e Përgjithshme.

Ai ishte nën hetim edhe për shkarkimin e dy nënkryetarëve të Bashkisë si dhe të emërimit të një tjetër nënkryetari, veprime që dyshohet se janë bërë ditën kur KQZ ia hoqi mandatin.