Cila është ish-deputetja e PS që takoi tet-a-tet eurodeputetin Kukan

E tërhequr nga jeta politike aktive, por prezent në tryezat me ndërkombëtarët që nuk ia harrojnë kontributet.

Valentina Leskaj, ish nënkryetare e Kuvendit, mëngjesin e djeshëm është fotografuar me Presidentin e Delegacionit per Europen Juglindore dhe Raporterin për Shqipërinë në Parlamentin Europian, Eduard Kukan.

Gjithçka ka ndodhur përpara dhënies së konkluzioneve nga Komisioni Ndërparlamentar i Stabilizim Asociimit të Shqipërisë me Bashkimin Evropian. Dhe duket se zyrtarët e Brukselit, vazhdojnë të mbeten në kontakt me miqtë e tyre në Shqipëri.

Për një kohë të gjatë zonja Leskaj ka qenë e para grua në një post të lartë, atë të zv.presidentes së Asamblesë Parlamentare të Këshillit të Evropës, si dhe raportere për Shqipërinë.