Qeveria mbush xhepat pa mëshirë me varfërinë

Nënkryetari i LSI-së, Petrit Vasili ka reaguar për vendimin e Bordit të Transparencës për Çmimet e karburanteve të cilët vendosën sot që nafta të shitet me 248 lekë.

Me anë të një postimi në Facebook, Vasili e cilëson kriminal këtë vendim, teksa sjellë në vëmendje çmimin e naftës në Maqedoni, që sipas tij shitet me 185 lekë.

Vasili shprehet se çmimi i naftës në Shqipëri është 26% më i lartë.

Postimi i Petrit Vasilit në Facebook:

ÇMIM KRIMINAL I NAFTES 248 LEKE !! Ne MAQEDONI ne kete moment çmimi i naftes eshte vetem 1850 leke te vjetra. Ne SHQIPERI Bordi i Hajduterise e ka vendosur 2480 leke te vjetra litri. Cmimi Naftes ne Shqiperi eshte 26% me i larte.

Parlamenti rilindas bashke me qeverine grabitqare bllokojne me muaj te tere Projektligjin e paraqitur nga LSI per uljen e cmimit te Naftes. Qeveria dhe oligarket po mbushin xhepat pa meshire me varferine e popullit. P.S Foto ne Maqedoni eshte e pak minutave me pare pikerisht ne ora 19.16.