Ç’po ndodh? Kristi Lamaj rikthehet në shtëpi duke u futur nga muri

Kristi Lamaj është rikthyer sërish këtë të mërkurë në shtëpinë e Big Brother VIP Albania, duke surprizuar banorët dhe publikun.

Ish-banori u fut në ambientet e shtëpisë në një mënyrë të pazakontë, duke kaluar nga muri rrethues, njësoj si në momentin kur u largua më herët nga gara. Hyrja e tij ka qenë pjesë e një sfide të vendosur nga Vëllai i Madh për banorët aktualë.

Sipas rregullave të sfidës, konkurrentët nuk duhet të reagojnë ndaj rikthimeve apo zhvillimeve të papritura brenda shtëpisë, duke testuar kështu vetëkontrollin dhe qëndrueshmërinë e tyre.

Më herët gjatë mëngjesit, edhe Seno ishte rikthyer në shtëpi në kuadër të së njëjtës sfidë, duke e bërë situatën edhe më intriguese për banorët.