Ç’po ndodh? Vrasja e gjyqtarit Kalaja, blindohet Gjykata e Apelit

Në Gjykatën e Juridiksionit të Përgjithshëm në Tiranë po zhvillohet sot seanca për caktimin e masës së sigurisë ndaj tre të arrestuarve për ngjarjen e rëndë që tronditi sistemin e drejtësisë, vrasjen e gjyqtarit Astrit Kalaja më 6 tetor, brenda sallës së gjyqit.

Gazetarja e Top Channel, Anila Hoxha, raportoi për masa të shtuara sigurie në ambientet e gjykatës gjatë seancës ndaj të pandehurve Elvis Shkambi, Gjon Shkambi dhe Banush Koxhaj.

Elvis Shkambi është i akuzuar si autori i dyshuar i ekzekutimit të gjyqtarit Kalaja, në një ngjarje të pashembullt që ka shkaktuar reagime të forta në publik dhe në institucionet e drejtësisë.

Ndaj xhaxhait të tij, Gjon Shkambi, rëndon akuza “vrasje në bashkëpunim”, ndërsa ndaj punonjësit të sigurisë së gjykatës, Banush Koxhaj, “shpërdorim detyre”, pasi dyshohet se lejoi hyrjen e autorit me armë në ambientet e brendshme të gjykatës.