“Daku” i shumëkërkuar u arrestua në Ibiza, po planifikonte vrasjen e një shqiptari

Leonard Luzi, i cili u arrestua pak ditë më parë në Spanjë dyshohet se po organozonte vrasjen e një shtetasi shqiptar.

Agjentët e Policisë Kombëtare arrestuan Luzin e njohur si “Daku” në Ibiza pasi dyshohej se kishte udhëtuar drejt Spanjës për të marrë pjesë në vrasjen e një bashkatdhetari.

Hetimi filloi pasi agjentët mësuan se anëtari i një organizate kriminale të trafikut të drogës dhe kryerjes së krimeve të rënda kundër njerëzve të ishte në Spanjë duke organizuar vrasjen e një bashkatdhetari, për këtë arsye ai u konsiderua jashtëzakonisht i rrezikshëm.

Sipas informacioneve të marra nga policia, Luzi, i arratisur nga Shqipëria, ishte kontakti i drejtpërdrejtë i financierit dhe transmetonte urdhrat e organizatës kriminale si dhe mjetet financiare.

Funksioni kryesor i tij në bandën kriminale ishte rekrutimi i anëtarëve të rinj, caktimi i misioneve që i korrespondonin secilit prej tyre, udhëzimi i tyre për mënyrën e kryerjes së vrasjeve dhe dhënia e udhëzimeve se si të lokalizonin objektivat që u ngarkuan.

Hetimet e kryera nga agjentët bënë të mundur zbulimin se shqiptari ndodhej në ishullin Ibiza dhe aty iu vunë prangat.

Ndaj tij kishte një urdhër arresti për mbajtjen dhe prodhimin e armëve, lëndëve plasëse dhe municionit në Shqipëri. Ai akuzohet për sigurim kushtesh për të vrarë Ervis Matodashajn dhe Inez Hajrullan, grup kriminal dhe pjesëmarrje në grup kriminal.