Detaje të reja zbardhen nga vrasja e 30 vjeçarit Gjin Ndoj ose siç njihet ndryshe Gjin Boriçi, në Vaun e Dejës në Shkodër.
Në vendin e ngjarjes janë gjetur 4 gëzhoja, dhe makina e tij tip BMW të cilën e kishte marrë me qera.
30 vjeçari është një person me precedent të mëparshëm penalë për shkak të krimeve ndaj personit.
Duke njohur të shkuarën e tij kriminale, pista e parë e hetimit që ngrihet nga policia është ajo e gjakmarrjes.
Ndërkaq raportohet se pak metra larg vendit të ngjarjes është gjetur dhe një makinë e shkrumbuar që dyshohet se u përket autorëve.
Viktima është qëlluar me armë zjarri në kokë në orët e para të mëngjesit, dhe më pas ka ndërruar jetë.
“Më datë 09.08.2020, rreth orës 05:55, në fshatin Shkjezë, Njësia Administrative Bushat, në rrugë, është konstatuar i pajetë, shtetasi Gj. B., 27 vjeç, banues në lagjen “1 Maji”, Shkodër. Nga veprimet e para hetimore dyshohet se ka humbur jetën si pasojë e përdorimit të armës së zjarrit. Grupi hetimor nën drejtimin e Prokurorisë vijon punën për sqarimin e rrethanave të ngjarjes”, thuhet në njoftimin e policisë.
