Dalin fotot/ Kush është autori dhe 29 vjeçari që mbeti i plagosur me thikë në Sarandë

Të tjera detaje kanë dalë në dritë nga ngjarja e rëndë në Sarandë ku u plagos me thikë një 29 vjeçar. Korrespondentja e Panorama.al raporton se ngjarja ka ndodhur pas një konflikti që nisi mes dy të rinjve brenda ambienteve të një lokali teksa ka siguruar edhe fotot e autorit Enivled Aliu dhe të plagosurit, Dino Majko.

Si nisi sherri

Fillimisht sherri ishte verbal dhe më pas degjeneroi në përdorimin e thikës, ku mbeti i plagosur Dino Majko 29 vjeç. I riu fillimisht u transportua në spitalin e Sarandës, por më pas u nis drejt Traumës, për shkak të komplikacioneve.

Autori i plagosjes, Enivled Aliu

Autori i plagosjes është Enivled Aliu, i cili është shpallur në kërkim nga policia. Blutë e Sarandës kanë ngritur pika kontrolli me qëllim kapjen e Aliut.

I plagosurI, Dino Majko

Sarandë/Informacion paraprak

Në datën 09.04.2022, në lagjen nr.1, Sarandë, shtetasi E. A., ka goditur me mjet prerës (thikë), shtetasin D. M., 29 vjeç, banues në Sarandë , i cili ndodhet në spitalin e Sarandës, nën kujdesin e mjekëve

Shërbimet e Policisë po krehin zonën për të bëre të mundur kapjen e autorit.

Grupi hetimor ndodhet në vendngjarje dhe po punon për sqarimin e rrethanave të ngjarjes.