Nuk ekziston asnjë impiant!

Kryetari i Partisë së Lirisë, Ilir Meta deklaron se kryeministri Edi Rama duhet të ishte në burg. 

Në Top Story, ish-kreu i shtetit foli për skandalin e inceneratorëve dhe sulmin kibernetik që rrëzoi shtetin.

Meta i quajti inceneratorët aferë që duhet ta kishin çuar kreun e qeverisë pas hekurave. Kreu i PL theksoi se në terren nuk ekziston asnjë impiant inceneratori.

Sa i takon akuzave të Autoritetit të Dosjeve, Meta tha se për të nuk ka asnjë shqetësim, ndërsa akuzon këtë institucion se po tenton ta dëmtojë atë, por po cënon edhe persona të tjerë.

Ilir Meta: Nuk jam aspak i shqetësuar për historinë e dosjes. Dosja është falsifikuar tek ‘Rruga e Kavajës’. Sigurimi i Shtetit ka të dhëna për një bashkëpunëtor, .këto nuk lexuan deklarimin e personit të dëmtuar. Autoriteti Dosjeve bën gjëra që as në kohën e kaluar nuk bëheshin. Autoriteti i Dosjeve për të dëmtuar Ilir Metën po cënon dhe persona të tjerë. Nuk bëj kërkesë tek autoriteti për të legjitimuar falsifikimin. Edi Rama duhet të ishte në burg për inceneratorët, nuk ka fare incenerator. Rama shpiksi i patronazhimit që i hapi rrugë hakërimit. Edvin Kristaq Rama dhe të gjithë të tjerët ta dinë, Ilir Meta do ta drejtojë Partinë e Lirisë derisa regjimi i Ramës të bjerë në këmbët e popullit. Edi Rama do t’i paguajë të gjitha dëmet që i ka bërë popullit shqiptar. Sulmin e parë ndaj sistemit e bëri Edi Rama, ia dha të dhënat patronazhistëve.

Kryetari i Partisë së Lirisë, Ilir Meta ka bërë një paralajmërim të fortë, teksa deklaroi se ka disa fakte kundër kryeministrit Edi Rama.

Meta tha për emisionin “Top Story” se cdo gje do publikohet ne kohen e duhur.

Balla: Pse nuk i nxjerr, është krim mospublikimi i tyre kur i di

Meta: E kam gjithnjë në kohën e duhur. Ai (Edi Rama) kujton se do i fshihet përgjegjësive duke shpikur këto…

Ish-Presidenti, që ka kallëzuar në SPAK anëtarët e Autoritetit të Dosjeve të ish-Sigurimit të Shtetit, thotë se betejën e ka të fituar, pasi figura e tij është e pastër.

“Manipulim i hapur. Atë e kam pasur shok klase, ata e dinë kush është I.M., e kanë atje. Si mundet autoriteti me një e-mail anonim të mblidhet për një ditë të marrë 7 vendime. Vetë e kanë bërë ligjin këta. Pse e shkelin ligjin këta. Me mua do kenë probleme të mëdha me ta.

Akoma vazhdoni me këto përralla. Këta shyqyr që nuk kishin lexuar letrën e këtij personit. Padia është shumë e qartë, thërrisni dhe ata të autoritetit këtu. Çfarë fëlliqësirash janë sot në autorit që bëjnë gjëra që nuk bëheshin as në atë kohë. Këto sjellje janë të shëmtuara me ligjin, jo vetëm me dinjitetin e Ilir Metës, por kanë nxjerrë emra në mënyrë të paligjshme”.