Deklarata e fortë: Putin, i rraskapitur si Berluskoni në muajt e fundit

Ish-kryeministri italian, Massimo D’Alema, i ka thënë së fundmi miqve pas një takimi në Pekin se presidenti rus, Vladimir Putin, dukej “shumë i rraskapitur” dhe që kërkonte të mbahej nga dy persona.

Sipas raportimit të Corriere della Sera, edhe pse pamjet zyrtare nga takimi nuk dhanë këtë përshtypje, D’Alema insistoi se takimi i afërt me Putinin e kishte habitur për gjendjen e tij fizike.

Shëndeti i Putinit ka qenë prej kohësh objekt spekulimesh, duke u lidhur me sëmundje të ndryshme si tumoret, Parkinsoni apo sindroma e Cushingut, por Kremlini i ka mohuar këto herë pas here. Ndërkohë, zyrtarët rusë të sigurisë mbledhin vazhdimisht gjurmë biologjike të Putinit gjatë udhëtimeve të tij për të parandaluar zbulimin e të dhënave të mundshme gjenetike dhe trajtimeve.

Shërbimet e inteligjencës amerikane dhe britanike nuk kanë prova konkrete për sëmundje serioze të Putinit, megjithatë monitorojnë me kujdes çdo tregues që lidhet me gjendjen e tij shëndetësore.

D’Alema nuk bëri diagnoza specifike, por theksoi se Putini i kishte kujtuar ish-kryeministrit italian Silvio Berlusconi në periudhën e fundit të jetës së tij.

Gjithashtu, gjatë bisedës mes Putinit dhe liderit kinez Xi Jinping në Pekin u ngritën temat për pleqërinë dhe jetëgjatësinë. Xi i tha Putinit se dikush mund të jetë “ende i ri” edhe në të shtatëdhjetat, ndërsa Putin shtoi theksin tek bioteknologjia dhe ideja e ‘pavdekshmërisë’ në diskutimet e tyre.