Deklarata e KE për ‘Ligjin për Mediat’, reagon Meta: Të reflektohet sa më parë! Çdo kokëfortësi pengon negociatat

Redaksia Publik 17 shtator 2020, 19:38 · 1 min lexim

Presidenti Ilir Meta ka reaguar pas deklaratës së Raportuesit të Përgjithshëm të Asamblesë Parlamentare të Këshillit Europian për lirinë e medies dhe mbrojtjen e gazetarëve, Stefan Schennach, i cili shprehu sot shqetësimin e tij në lidhje me ndryshimet që Parlamenti i Shqipërisë mund të miratojë lidhur me ndryshimet në legjislacionin aktual që synojnë mediat online.

Duke publikuar deklaratën e KiE, Meta thekson se për këtë gjë duhet reflektuar menjëherë dhe çdo kokëfortësi na penalizon në rrugën për integrimin europian.

“Duhet reflektuar sa më parë! Çdo kokëfortësi, jo vetëm që nuk i shërben çeljes së negociatave, por nuk do të frikësojë askënd. Përkundrazi!’, shkruan Meta.