Del foto e shqiptarit me dy emra që u ekzekutua në Greqi

Thimi Droboniku alias Thimi Prifti është 56-vjeçari shqiptar që u ekzekutua mbrëmjen e 30 Nëntorit në Paleo Faliro, Greqi.

E kaluara kriminale e shqiptarit nga Berati është vendosur në mikroskopin e hetimeve për të zbuluar rastet në të cilat ai ishte përfshirë në krime dhe për të zbuluar se kush e donte të vdekur.

Mediat greke raportojnë se 56-vjeçari ishte arrestuar disa herë më parë dhe akuzohej për formim bande, lëndë narkotike, trafik cigaresh pa leje dhe falsifikim dokumentesh. Ajo që po hetohet gjithashtu është nëse viktima e atentatit është e lidhur me makinën që u pikas në fund të nëntorit në Paleo Faliro, dhe kishte brenda një kallashnikov, një granatë dhe një bidon me benzinë.

56-vjeçari u vra rreth orës 21:00 të së enjtes teksa ndodhej në rrugë, pranë një pallati në rrugën Atlantos. Banorët e zonës që kanë dëgjuar të shtënat kanë lajmëruar policinë për ngjarjen. Sipas raportimeve, kanë qenë dy persona që e kanë qëlluar viktimën në gjoks. 56-vjeçari u dërgua i gjallë në Evangelismos, por ai vdiq pak orë më vonë.

Në vendin ku u qëlluan u gjetën dy gëzhoja të kalibrit 9 mm, ndërsa hetimet vijojnë ende.