Denoncimi: Albanian Digital Solution, “miniera e floririt” të Ramës

Kreu i Partisë Demokratike, Sali Berisha, në një komunikim për mediat hodhi akuza ndaj kompanisë “Albanian Digital Solution”, duke e cilësuar atë si një “minierë floriri” për kryeministrin Edi Rama.

Gjatë deklaratës së tij, Berisha u shpreh se kjo strukturë përbën një mënyrë të re për të kanalizuar fondet publike, duke e krahasuar me modelin e AKSHI-t, por me një emër tjetër.

“Jam këtu për të denoncuar kopshtin e ri privat, minierën e floririt të familjes Rama apo AKSHI-n me një emër të ri, “Albanian Digital Solution”, e gjithë mafia e IT-së e ka në emërtimin e kompanisë fjalën solition..Nuk ka një vendim të Këshillit të ministrave që do pasqyronte kompetencat e këtij institucioni. Është mënyrë e gjetur për të kanalizuar fondet drejt kompanive, kunatit të Lindës së Surrelit. Pa asnjë mekanizëm kontrolli, si në rastin e kompanisë KAYO, të famosit, vetëm se këtu skandali thellohet më tepër, siç thamë më lartë për ADS, të gjitha janë lënë në dorë aksionerit kryesor të AKSHI-t të lindave famëzeza. I vetmi VKM për këtë qëllim është ia datës 20 maj 2026, që flet për miratimin e fondit prej 7 mln euro. Ky vendim ka ardhur pas regjistrimit të kompanisë në QKB. VKM nuk përcakton objektin e veprimtarisë, nuk miraton statutin, nuk përcakton kompetencat, dhe nuk shpjegon marrëdhënien me AKSHI-n dhe nuk shpjegon modelin e kontrollit…Si mund të ngrinte Edvin Balluku, një kompani pa asnjë bazë ligjore. Keni parë ju, një deputet merr përsipër të propozojë se nuk ka qeveri, asgjë, amendime. Dhe meqë mbron interesat e klanit të Surrelit votohet sy mbyll, pa asnjë konsulte dhe asgjë”, tha ai.

Berisha theksoi gjithashtu se kjo nismë, sipas tij, është pjesë e një skeme më të gjerë që synon përvetësimin e fondeve publike, duke ngritur shqetësime për mungesën e transparencës dhe kontrollit institucional.

Deri tani nuk ka një reagim zyrtar nga qeveria lidhur me këto akuza.