Nënkryetari i PD-së, Edmond Spaho, ka akuzuar qeverinë dhe kryeministrin Rama, duke thënë se vetëm në muajin mars janë dhënë 225 tendera dhe janë shpenzuar 26.5 milionë euro për luks.
Spaho thotë se Rama ka lekë nga buxheti i shtetit për çdo shqipta të papunë si pasojë e koronavirusit, por nuk i subvencionon pasi i shpenzon taksat për lukse e tendera pa garë.
Postimi i plotë i Spahos
Në muajin mars, muaji i shpërthimit të epidemisë në Shqipëri, qeveria ka kryer 225 tendera. Ka shpenzuar 26.5 milionë euro kryesisht për luks, pa garë dhe pa kursime.
Edi Rama ka lekë në buxhet për të paguar çdo shqiptar të mbetur pa punë për shkak të epidemisë, por ai i shpenzon taksat e shqiptarëve për luks.
Edi Rama ka lekë në buxhet për të financuar ekonominë qe të mos rrënohet, por ai ua jep klietëve të tij në tendera pa garë. Të dhënat në video i japin përgjigje pyetjes se kush është prioriteti i Edi Ramës: klientët apo shqiptarët
