Deputetët e opozitës s’lejuan hyrjen nëpër salla, shtyhet mbledhja e Konferencës së Kryetarëve

Mbledhja e Konferencës së Kryetarëve është shtyrë pasi deputetët e opozitës u vendosën “barrikadë” nëpër dyer dhe s’lejuan hyrjen nëpër salla të ligjvënësve të mazhorancës.

Mbledhja ku do të bëhet prezantimi i projektligjit “Për buxhetin e vitit 2024” ishte planifikuar në 10:00, por do të zhvillohet në orën 13:00.

Sipas njoftimit të Kuvendit, pjesa e parë e mbledhjes gjatë së cilit do të bëhet prezantimi nga ministri i Financave, Ervin Mete do të transmetohet live në faqen web dhe FB të Kuvendit.

Njoftimi:

Të nderuar kolegë,

Në vijim të njoftimit të mëparshëm për zhvillimin e Konferencës së Kryetarëve, në të cilën do të bëhet prezantimi i projektligjit “Për buxhetin e vitit 2024” nga Ministri i Financave dhe Ekonomisë, z. Ervin Mete, ju njoftojmë se mbledhja do të zhvillohet në orën 13:00.

Pjesa e parë e mbledhjes gjatë së cilit do të bëhet prezantimi nga z. Mete do të transmetohet live në faqen web dhe FB të Kuvendit.

Faleminderit