Deputeti Andi Përmeti kaloi një kohë të vështirë në jetën e tij, pasi i duhej të përballej me koronavirusin.
Gjendja e tij u përkeqësua dhe ai shkoi për kurim në Turqi. Fatmirësisht duket se çdo gjë ka kaluar.
Përmes një postimi në rrjetet sociale, Andi Përmeti i ka kërkuar ndjesë djalit të tij, pasi për shkak të sëmundjes nuk ishte i pranishëm në festimin e 1-vjetorit të lindjes së tij.
Ai shkruan gjithashtu se vetëm mendimi që do të merrte sërish në krahë djalin e tij, i dha forcë dhe guxim që të vazhdonte përpara. Më tej, Përmeti ka falenderuar Zotin që e lejoji të vazhdonte ditët përkrah familjes dhe djalit të tij.
“Nje ndjese dhe nje falenderim!
Ndjese bir qe nuk ja dola dot te jem me ty sot per 1-vjetorin tend, pavarsisht se cdo dite ne reanimacion mendimi qe ti do ishe ne krahet e mia, me jepte force dhe guxim per te vazhduar perpara.
Por sot bir, trishtimin e te qenit larg teje ne kete dite, ma mbyt gezimi i fitimit te nje beteje qe ne nisje u konsiderua praktikisht e humbur. Nje fitore per te cilan i jam falenderues dhe mirenjohes ZOTIT, i cili me dha mundesine qe ne ditet ne vazhdim ti te jesh perhere ne krahet e mia.
Gezuar Abriel. U befsh 100 vjec”,- shkruan Përmeti.
