Deputetja Açka mohon të ketë firmosur pro Salianjit:Nuk flitet për bashkim, por për arnim

Deputetja Flutura Açka ka mohuar se ka firmosur pro Ervin Salianjit që të zgjidhet kreu i grupit parlamentar të PD-së, duke rrëzuar Enkelejd Alibeajn.

Me anë të një postimi në rrjete sociale, ajo shkruan se nuk mbahet shtëpia me miell hua.

“Unë nuk kam firmosur. Mund ta kisha bërë, por nuk e kam bërë, për një arsye fare të thjeshtë: nuk flitet për bashkim, por arnim. Kushdo që e ka bërë abuzimin dhe shpërdorimin publik me emrin tim, nuk më ka dëmtuar mua, por kauzat e Partisë Demokratike”, shkruan Açka në rrjete sociale./CNA.al