Detaje nga atentatet në Elbasan, Nuredin Dumani vrau shokun e tij Klevis Kapllaj për të humbur gjurmët e vrasjes së Emiljano Ramazanit

Nuredin Dumani dhe Klevis Kapllanaj dyshohet të jenë autor edhe në ekzekutimin e datës 21 korrik ku mbeti i vrarë Emiljano Ramazani. Ky i fundit u vra pranë banesës së tij.

Nuredin Dumani dhe Klevis Kapllanaj kanë qenë miq të ngushtë mes njeri-tjetrit, por janë prishur pas disa mosmarrëveshjeve lidhur meparatë. Kështu, mendohet se Dumani ka vrarë shokun e tij për të humbur gjurmën lidhur me vrasjen e Emiljano Ramazanit.

Nga krahasimi i pamjeve filmike, Klevis Kapllanaj dyshohet të jetë vrasësi i Emiljano Ramazanit. Kapllanaj gjithshtu mendohet të jetë personi që vendosi armën në servisin e Albert dhe Seit Manehasës në Peqin.

Arma e vendosur në servisin e Manehasës është konfirmuar si arma e përdorur në vrasjen e Emiljano Ramazanit. Arma e krimit, një pistoletë 54TT u gjet në servisin e Seitit, poshtë sabratorit të një makine, me një krehër dhe një fishek luftarak.