Digjet magazina në Zharrëz, flakët rrezikojnë fabrikën pranë

Një zjarr masiv ka përpirë një magazinë me materiale në Zharrës të Patosit paraditen e sotme.

Edhe pse në vendin e zjarrit kanë mbërritur zjarrfikëse nga Patosi dhe Fieri, në atë ambient gjithçka është shkrumbuar duke u djegur çdo material që ishte brenda magazinës.

Tani zjarrfikëset po mundohen të neutralizojnë flakët, pasi rrezikohet seriozisht një tjetër fabrikë që ndodhet pranë vatrës së zjarrit.

Paraprakisht dyshohet që zjarri të jetë i qëllimshëm, por kjo dhe detaje të tjera mbetet të shihen në vijim.

Fatmirësisht nuk raportohet për njerëz të lënduar.