Djali i Monika Kryemadhit, në lidhje me këngëtaren e njohur shqiptare

Monika Kryemadhi vijon të jetë një nga emrat më të përfolur të këtij viti, duke rikthyer vëmendjen jo vetëm për zhvillimet në jetën e saj politike dhe personale, por edhe për angazhimet e reja në ekran dhe art.

Edhe pse pritej një tërheqje pas një periudhe të vështirë, ajo është shfaqur aktive si opinioniste në spektaklin Big Brother VIP Albania, një rol që duket se po e menaxhon me lehtësi dhe prezencë.

Paralelisht, interes ka ngjallur edhe debutimi i saj në film. Projekti “Me fat” ka nisur shfaqjet në kinema dhe ka tërhequr vëmendjen e publikut, duke shënuar një hap të ri në karrierën e saj.

Gjatë një interviste në Goca dhe Gra, Kryemadhi ka ndarë detaje nga jeta personale, duke zbuluar se djali i saj, Besar Meta, fillimisht kishte rezerva për përfshirjen e saj në film. Megjithatë, një ndikim të rëndësishëm në ndryshimin e këtij qëndrimi ka pasur partnerja e tij.

Sipas burimeve për mediat rozë, bëhet fjalë për këngëtaren Kanita, e cila raportohet se është në një lidhje prej kohësh me Besarin.

Mësohet se marrëdhënia e tyre është e konsoliduar dhe se artistja ka krijuar një raport të mirë edhe me familjen e partnerit. Çifti duket se ka zgjedhur ta mbajë romancën larg vëmendjes së tepërt mediatike, duke ndërtuar një lidhje të qëndrueshme dhe diskrete.