Doktorët i shkaktuan vdekjen nënës së pesë fëmijëve

Një nënë e pesë fëmijëve vdiq pasi mjekët gabuan diagnozën.

Lissa Beechey, 39 vjeç, iu dha një referim urgjent nga mjeku i saj, i cili dyshonte se mund të kishte meningjit pasi u ankua për lodhje, dhimbje koke dhe turbullim të shikimit.

Por mjekët në Spitalin “Princess of Wales Hospital” në Bridgend, Uellsi Jugor, e diagnostikuan atë me migrenë dhe e dërguan në shtëpi me paracetomol.

Dhjetë ditë më vonë, ajo u pranua në Spitalin Universitar të Uellsit në Cardiff dhe u transferua në pavionin e neurologjisë. Ajo vdiq nga një formë e meningjitit të tuberkulozit (TB).

Çështja ndiqet ligjërisht nga avokatët që veprojnë për bashkëshortin e Beechey, Simon Aberstone. Ata thanë se Bordi i Shëndetit të Universitetit Abertawe Bro Morgannëg ofrojnë një zgjidhje  jashtë gjykatës.

“Unë jam ende i mërzitur për atë që ndodhi. Vetëm një mjek ka ndjekur procedurat e duhura duke i dhënë asaj ilaçet e duhura”, tha z. Aberstone.

Ai shtoi se Beechey po tregonte të gjitha simptomat e meningjit të TB – të cilat përfshijnë lodhjen, dhimbjen e kokës, dhimbjen e qafës dhe nuk i duronte dritat e ndritshme – kur ajo u vlerësua fillimisht në “Princess of Wales Hospital” më 10 shtator 2015.

Por edhe pasi kërkuan rezultatet e skopisë së saj, të marra tre muaj më parë për një problem me shpinë, pa lidhje dhe për të parë hijet në mushkëritë e saj, mjekët përjashtuan meningjitin e TB.

Pavarësisht nga humbja e tij shkatërruese, Aberstone thotë se ai përpiqet të qëndrojë i fortë për fëmijët e tyre, të moshës tetë dhe binjakëve të moshës 12 vjeçare.

Beechey gjithashtu kishte dy fëmijë më të tjerë nga një marrëdhënie e mëparshme.

“Ajo ishte  një person i veçantë dhe kam dashur të kaloj pjesën tjetër të jetës sime me të”, shtoi zoti Aberstone, – “Është e vështirë të mendosh për të gjitha momentet që ajo do të humbasë, por unë jam duke bërë të pamundurën, i vetëm për t’u siguruar që fëmijët të jenë mirë. Unë nuk e kam lejuar brengën të më mundë. Ata nuk kanë qenë larg syve të mi për dy vitet e fundit. Është e vështirë, por fëmijët janë ato që më  japin forcë “.

Avokati i familjes Kelly Lloyd-Davies, nga Slater dhe Gordon, thotë se kishte shanse për të shpëtuar jetën e Lissës, por procedurat nuk u ndoqën dhe si rezultat ajo humbi jetën.