Drejtorët e policive i emëron krimi nga burgu ‘313’ dhe Kolumbia

Eksperti i sigurisë dhe ish-drejtuesi i policisë, Shemsi Prençi, ka bërë deklarata të forta në emisionin “Oponencë” në News24, duke akuzuar drejtpërdrejt krimin e organizuar për ndërhyrje në emërimet në kupolën e Policisë së Shtetit.

“Drejtorët e policisë i emërojnë grupet kriminale, nga burgu 313, nga burgjet e sigurisë së lartë dhe nga Kolumbia,” deklaroi Prençi, duke e cilësuar situatën si alarmante dhe të papranueshme për një shtet ligjor.

Sipas tij, kontrolli i krimit mbi strukturat e rendit ka kompromentuar rëndë integritetin institucional dhe përbën një kërcënim serioz për sigurinë dhe sundimin e ligjit në vend.