Pësoi hemorragji celebrale

Drejtori i sapoemëruar i komanduar i burgut të Durrësit, Edmond Llabani, ka pësuar një hemorragji cerebrale dhe është transportuar me urgjencë drejt Qendrës Spitalore Universitare “Nënë Tereza” në Tiranë (QSUT).

Mësohet se gjendja e tij shëndetësore ka kërkuar ndërhyrje të menjëhershme mjekësore, ndërsa ai ndodhet nën kujdesin e specializuar të mjekëve në QSUT.

Llabani ishte komanduar në krye të institucionit penitenciar vetëm pak ditë më parë, më 15 janar, pas shkarkimit dhe arrestimit të ish-drejtorit Indrit Cërrloja, në lidhje me arratisjen e të dënuarit Altin Ndoci.

Mësohet se në ambientet e QSUT-së ndodhet edhe Drejtori i Përgjithshëm i Burgjeve, Klevis Qose, i cili po ndjek nga afër situatën.