Drejtuesi i gomones në plazhin e Jalës humb kontrollin, përplas dy pushues pranë bregut të detit!
Ja si është gjendja e tyre
Policia bën me dije se 37-vjeçari Gjergji Priftuli ka humbur kontrollin e gomones duke përplasur dy të rinjtë të cilët janë dërguar në spital jashtë rrezikut për jetën.
Ndërkohë që drejtuesi i mjetit lundrues është shoqëruar nga policia. Grupi hetimor po punon për të sqaruar rrethanat e plota të ngjarjes.
“Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën.
Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton policia.
Keni një histori? Denonco anonimisht, identiteti juaj mbrohet.
Denonco
