Dritan Leli shkarkon njeriun e Edi Ramës
Pas urdhrit të Ramës, që Dritan Leli të përjashtohet nga PS-ja, ky i fundit ka nisur hakmarrjen e tij.
Burime brenda bashkisë së Vlorës thonë për Faxweb se kryetari i Bashkisë Dritan Leli ka bërë gati letrën e shkarkimit për nënkryetarin Afrim Qëndro.
Megjithatë asnjë nga palët nuk pranon të prononcohet, zërat thonë se shkarkimi gjendet në tavolinën e Lelit, dhe është çështje orësh finalizimi.
Ditën e sotme, Qëndro ka lënë të parkuar makinën e tij para bashkisë, por nuk ka qenë brenda godinës, ku u komandua disa muaj më parë me urdhër të Gjiknurit.
Qëndro ka zhvilluar një takim bashkë me Damian Gjiknurin me anëtarë të Partisë Socialiste.
Ende nuk dihet nëse shkarkimi i është komunikuar Qëndros apo jo.
Megjithatë situata vijon të jetë e acaruar mes palëve.
Keni një histori? Denonco anonimisht, identiteti juaj mbrohet.
Denonco
