Dua Lipa dhe Donatella Versace, në një super bashkëpunim

Maji ndoshta s’është muaji më i mbarë për shumë njerëz ama, për Dua Lipa-n është një sukses i vërtetë! Pasi shndriti në Met Gala, njoftoi edhe një super bashkëpunim me Donatella Versace. Teknikisht, lajmin e bëri të ditur Donatella, përmes një postimi në Instagram, ku tha se bashkë me Dua-n kanë krijuar një koleksion të modës së lartë dhe ne do ta shohim më 23 maj në Kanë. Ajo u shpreh e emocionuar për koleksionin e përbashkët që ka krijuar me Duan dhe se ky koleksion është për vajza dhe gra dhe është pagëzuar me emrin “La Vacanza”. Ndërsa Dua është shprehur se bashkëpunimi me Versace-n ka qenë sekreti më i madh që i është dashur të ruajë. Ndërkohë, Dua dhe Donatella kanë bashkëpunuar edhe më parë dhe këngëtarja shqiptare, ka sfiluar në Javën e Modës në Milano me një kriijim nga Versace.