Duka zbardh takimin me Berishën: Me një kandidat të përbashkët në zgjedhje lokale, ja negociatat me grupin e Alibeajt

Agron Duka flet pas takimit me kreun e PD për zgjedhjet vendore 2023.
“Ne vetë kemi menduar që duhet patjetër të jemi sa më të bashkuar dhe për të dalë me një kandidaturë të vetme sepse nëse do dilnim me disa kandidatura do humbnim. Takimi shkoi shumë mirë. Z. Berisha i priti shumë mirë propozimet tona, si modalitetet për të dalë me një kandidaturë të përbashkët. Ne propozuam ose sondazhet si dhe primare të hapura. Berisha tha më duket interesante shumë e mirë. Do shikojmë dhe mundësinë se sa kemi për të shpenzuar, kërkon dhe gatishmërinë. Duhet të flasim dhe me parti të tjera, dhe ato jo parlamentare, grupin e Alibeajt. Mendoj që takimi qe i frytshëm. Shpresoj që kjo dakordësia parimisht të kthehet në detaje. Bëhet një platformë e përbashkët, ku nëj grup të monitorojë procesin atëherë themi se kemi arritur rezultat”.