Durrës/Pranga avokatit dhe efektivit të Policisë

Një inspektor policie dhe 1 avokat janë vënë në pranga nga SHÇBA-ja, pasi akuzohen se ushtronin ndikim të paligjshëm te gjyqtarë dhe prokurorë duke marrë para.

Haki Dyli polic në Gjykatën e Durrësit dhe Devis Qana avokat, janë arrestuar pasi disa muajsh hetime.

Sipas hetimeve: në bashkëpunim me njëri-tjetrin, ata u premtonin palëve në proces hetimi dhe gjykimi favorizim përmes ndikimit me forma anti-ligjore. Në këmbim të ushtrimit të ndikimit të paligjshëm te gjyqtarë e prokurorë, ata kërkonin shpërblime monetare që varionin deri në 2.000 euro.

“Shërbimi për Çështjet e Brendshme dhe Ankesat (SHÇBA) në Ministrinë e Brendshme ka ekzekutuar 2 urdhër ndalimet e Prokurorisë së Rrethit Gjyqësor Durrës, për:

– Inspektor Haki Dyli, 60 vjeç, punonjës policie me detyre trupë shërbimi në Sigurinë e godinës së Gjykatës Durrës;

– Devis Qana, 40 vjeç, Avokat, pranë Dhomës së Avokatisë Tiranë.

Ndalimi i tyre u bë në kuadër të një procedimi penal nisur disa muaj më parë, për veprën penale ‘Ushtrim i ndikimit të paligjshëm, ndaj personave që ushtrojnë funksione publike’.

Pas një hetimi me metoda speciale u dokumentua me prova ligjore veprimtaria e kundraligjshme. Të dy këta shtetas, dyshohet se në bashkëpunim me njëri-tjetrin, u premtonin palëve në proces hetimi dhe gjykimi favorizim përmes ndikimit me forma anti-ligjore. Në këmbim të ushtrimit të ndikimit të paligjshëm te gjyqtarë e prokurorë, ata kërkonin shpërblime monetare që varionin deri