Dy ditë pas Kryesisë, PD mbledh nesër Kolegjin e Kryetarëve! Ja çfarë pritet të diskutohet

ditë pas mbledhjes së Kryesisë, Partia Demokratike njofton se ditën e nesërme (12 janar) do të mblidhet Kolegji i Kryetarëve të kësaj force politike.

Me anë të një njoftimi të shpërndarë për mediat, bëhet e ditur se në këtë mbledhje do të diskutohet mbi kalendarin dhe masat për organizimin e partisë, pas zhvillimit të Kuvendit Kombëtar të 18 dhjetorit.

Një organizim i tillë, sipas selisë blu ishte parashikuar të zhvillohej më parë, por për shkak të protestës së të shtunës (8 janar) u shty.

Njoftimi i Partisë Demokratike:

Të nderuar Kryetarë. Nesër, datë 12 Janar, ora 16:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor “Për miratimin e programit organizativ të Partisë Demokratike”, që nuk u realizua dot për shkak të dhunës në datën

8 Janar. Në mbledhje merr pjese edhe Sekretariati i Partisë. Programi i diskutuar, propozuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë.

Me respekt, Sekretari i Përgjithshëm Gazment Bardhi

Kujtojmë se një ditë më parë, PD zhvilloi një mbledhje maratonë të Kryesisë ku u morën disa vendime të rëndësishme. Ndër to ishte dhe përjashtimi nga partia i ish-kryeministrit Sali Berisha si dhe disa anëtarëve të tjerë të Komisionit të Rithemelimit.