Dy motra shqiptare humbin jetën në Gjermani, plagosen 4 të tjerë

Një aksident i rëndë që ndodhi të dielën në Gjermani u mori jetën dy  femrave shqiptare nga Kosova. Sipas burimeve të Indeksonline viktimat që humbën jetën në këtë aksident janë motra, të martuara për dy vëllezër.H.Sh dhe F.Sh, emra të njohur për redaksinë humbën jetën në aksidentin që ndodhi ndërmjet ‘Graben-Neudorf dhe Nochstetten’ të Gjermanisë, pasditen e sotme.

Ato janë me origjinë nga Gjakova kurse për aksidentin në fjalë kanë raportuar edhe mediat e huaja.

Në raportim e sipër u theksua se përpos viktimave, të lënduar nga ky aksident mbetën edhe katër persona të tjerë, shkruan Indeksonline.

Makinat e përfshira në këtë aksident ishin një Mercedes dhe një Opel, të cilat edhe u përplasën njëra me tjetrën. Në rrezik për jetë si pasojë e këtij aksidenti është edhe shoferi 51 vjeçar i veturës ‘Opel’.