Dy “të fortët” të dënuar për trafikim narkotikësh lëviznin me kallashnikov në makina, ndalohen nga polica

Dy të rinj janë arrestuar ditën e sotme nga policia e Lezhës.

Të “fortët” janë kapur duke qarkulluar në makinë me armë zjarri.

Sipas njoftimit zyrtar policia ka ndaluar në vendin e quajtur ‘Rrethrrotullimi i Shëngjinit’, mjetin ‘Range Rover’ me drejtues Astrit Shekaj dhe pasagjerin Armando Vulaj.

Në bagazhin e këtij automjeti është gjetur një armë zjarri automatik me krehër me fishekë, të cilat u sekuestruan në cilësinë e provës materiale, së bashku me automjetin. Dy të rinjtë ishin banues në Malësi të Madhe, të dy të dënuar më parë për trafikim të lëndëve narkotike.

Materialet i kaluan Prokurorisë së Rrethit Gjyqësor Lezhë, për veprime të mëtejshme, për për veprat penale “Mbajtja pa leje e armëve dhe e municionit” dhe “Moskallëzimi i krimit “.