Dyshohet se përdhunoi 10-vjeçarin, arrestohet adoleshenti

Një 17-vjeçar i shpallur në kërkim është ndaluar nga Policia e Gjirokastrës në pikën kufitare të Kakavijës, ndërsa tentonte të hynte në territorin shqiptar.

Sipas informacionit zyrtar, ndaj tij rëndon dyshimi për përfshirje në një rast abuzimi seksual. Burimet bëjnë me dije se ngjarja dyshohet të ketë ndodhur në prani të dy personave të tjerë, të moshës 9 dhe 10 vjeç.

Pas ndalimit, i riu është shoqëruar nga autoritetet për vijimin e procedurave ligjore, ndërsa strukturat hetimore po punojnë për të sqaruar plotësisht rrethanat e rastit dhe për të dokumentuar çdo detaj të ngjarjes.

Për shkak të natyrës së ndjeshme të çështjes, policia nuk ka dhënë informacion të detajuar mbi identitetet e personave të përfshirë.