64-vjeçari në Mallakastër kishte lidhje gjaku me të

Një 64-vjeçar është arrestuar ditën e sotme në Mallakastër pasi dyshohet se ka kryer marrëdhënie seksuale me një vajzë të mitur. Kanë qenë familjarët e 15-vjeçares ata që kanë denoncuar rastin në polici pasi kanë vënë re ndryshimin e sjelljes te vajza e tyre.

Në media është zbuluar se ngjarja ka ndodhur rreth 1 vit më parë kur vajza ishte ende 14-vjeçe, por denoncimi është bërë ditën e djeshme. Kur familjarët kanë pyetur vajzën e mitur për shkakun e ndryshimit të sjelljes së saj, ajo ka treguar se çfarë i kishte ndodhur me 64-vjeçarin. Mësohet se vajza e mitur dhe 64-vjeçari janë kushërinj të largët me njëri-tjetrin, por që jetonin në një lagje dhe kishin hyrje e dalje familjare. Kjo ka bërë që 64 vjeçari të afrohej me 15 vjeçaren duke e joshur atë.

64-vjeçari është arrestuar dhe marrë në pyetje por ka mohuar akuzat që rëndojnë ndaj tij. Pritet që vajza t’i nënshtrohet vizitës te mjeku gjinekolog për të zbuluar nëse pretendimet e saj dhe të familarëve janë të vërteta apo jo.