E fundit/ Emri, arrestohet edhe një tjetër ish-drejtor i Autoritetit të Rrugëve

Është  ndaluar pak minuta më parë nga Policia e Tiranës me urdhër të Prokurorisë së Krimeve të Rënda, Aksel Qurduku ish-drejtues në Autoritetin Rrugor të Shqipërisë. Qurduku është ndaluar në akuzën “Shpërdorim detyre” në aferën 5 milion euro të rrugës Elbasan-Gjinar. Ndalimi i tij vjen vetëm pak minuta pasi në Gjykatën e Elbasanit u dha masa e arrestit me burg për dy ish-drejtorët e ARRSH-së, Andi Toma (2005-2013) dhe Dashamir Xhika (2013-2018) si edhe dy biznesmenëve vëllezërve Kujtim dhe Agron Hysa të cilët kanë fituar tenderin për ndërtimin e rrugës. Qurduku ka mbuluar detyrën e ish-drejtuesit të Njësisë se Menaxhimit të projektit Tiranë-Elbasan.  Po kështu mësohet se është ndaluar edhe Alben Alite, edhe ky ish drejtues në ARRSH.