E postoi, e fshiu… Selena bëri urimin që të gjithë prisnim për Justin

Justin Bieber festoi dje 24-vjetorin dhe të gjithë ishim në pritje të urimit që mund t’i bënte e dashura e tij, Selena Gomez.

Rikthimi i tyre ishte më i bujshëm e në çdo dalje të mundshme i kemi parë më të lumtur se kurrë në krahët e njëri-tjetrit.

Ata janë fotografuar gjithmonë bashkë dhe duke shprehur dashurinë përmes puthjeve dhe përqafimeve.

Selena vendosi t’ia bënte urimin edhe publikisht para 134 milionë ndjekësve të saj. Me një foto polaroid në duar, që besohet se është e Justin dhe me një buzëqeshje të mrekullueshme në fytyrë, Selena Gomez shkruan:

“1 Mars 1994, një person super “cool” që unë njoh lindi, boom”.

Për arsye që nuk i dimë ajo vendosi ta fshinte më pas foton për ta ripostuar sërish me një filtër më të errët.